E talitonu le taitai o le itu agai, HRPP, o le sa Palemia i tausaga e fia ua tuanai, Tuilaepa Sailele Malielegaoi, o matapu o loo talanoaina ile Palemenei, e iai fautuaga, ma na te le’o talanoa ile gau, ae iai atinae o loo alu aua e maua ai tupe.
Na faatusa Samoa i atunuu i fafo , o a’oga uma lava e faapisinisi, ae le’o faapena le tatou malo.
Saunoa Tuilepa, e iai atinae e alu ai tupe, ae tatau lava ona fai, e fai pea aua e iai le taua ile atunuu, atonu e lei oo ile taimi e tula’i mai ai ni atinae tetele, e matua liliu ai le esetete tausi, ile tele o tupe maua e maua mai ai.
Pei ole atinae lea ole vanila, e tele se tupe e maua mai ai, o loo iai le maketi, o loo galulue faatasi ai.
Ile tali fuaitau a le Palemia, i luga o faiga faavae, na ta’ua e Fiame, e tai ‘aiga le saunoaga le sui o Anoamaa, ma Tuilepa, ile puipuiga ose aseta.
Ae ole saunoa mai faapea: “pe gau e tatau lava ona faaauau,”.
Ole tali ale afioga ile Palemia e : faaetete lona taofi, ile tauave ose manatu faapea.
E manatua le Esetete, i aso o ola, sa tele tupe a le malo sa maua ai. Ae ole fesili, a Fiame: “o le’a le mea ua ese ai lena taimi?
O le malo lea ua iai nei, “e tatou te talanoa i le mea o tupu.”
“Ole faapea mai o Tuilaepa, ile taua ole vanila e sa’o, o lesi lea laau maualuga le mamafa. ae leiloa poo anafea na gata ai le asiasiga ale taitai ile faatoaga vanila a le esetete. ole mea o tupu mai, e fai atinae, e le sustainable, poo le mea e le’o lava le silafia o tagata ole faiga ole atina’e. o fesili ia, o loo feagai ma faipule, o vaai ile atinae ole malo.
E faaetetete lona taofi e faaauau mea gau, aua e iai lona taua.
O le taua e aliali ma ai se tamaoaiga ua faatupulaia, ae ole o le isi naunau lautele e iai lava mea gau ae tatau ona faaauau.
Saunoa tetee le afioga ile Palemia, e le auai lona finagalo, ile faaauau oni mea gau, pei ona ta’ua e le sa taitaia le malo ua mavae, ia Tuilaepa.
Saunoa Fiame, :O aoga, e le’o se pisinisi aua ole mea e tatau ona fai, Ae afai ua fai fapisinsi e tatau ona fai faalelei. Afai ua le mafai e le malo, ona su’e lea o nisi e faia.
Tatou manatua le taimi na lelei ai le Esetete, ma le taimi na tifa mai ai.
Faamanatu mai e Fiame, na ” tifa ifo ina ua tatou omai tatou e pulea tatou esetete, ole mea lena e tatou vaai lava tatou iai.
