E iloa le Isaraelu moni pea toe susu’e lona faamalama ma toe tepa i lona nuu e faapena foi le lotonuu o nisi o alo ma tama fanau ole atunuu ua iai le tomai ma le agavaa ile faafoeina ole taaloga lenei ole lakapi.
Ole taaloga lenei ole lakapi, ose taaloga ua maitauina le fiafia tele iai o tatou tagata, ma ua tele ai foi avanoa ua maua e nisi o tama fanau a le atunuu e taaalo ai e le gata mo le tatou au ae o au ua filifilia e taaalo ai i atunuu mamao.
O nisi nei o alo ma fanau ole atunuu sa malaga mai i Samoa ile faamanatuina ai ole 100 tausaga talu ona faavae le Lakapi Samoa ile atunuu, lea ua faamae’aina lava le 100 tausaga ao loo i Samoa nei e oo mai lava ile taimi nei.
Ole vaiaso nei lea oloo faagasolo atu ai i tua i nisi o aoga a le atunuu e le gata i kolisi maualuluga ae o aoga tulaga lua a fanau laiti.
Ile faatalatalanoaga ma tala fou i lenei taeao lea na ia faailoa ai e faapea,
” Ole auga ole latou faamoemoe lenei e taua ole Rugby School Academy, ia mafai ona fesoasoani i alo ma fanau oloo taumafai ile taleni ole lakapi.
Lea e iai le aso ananafi lea na amata atu ai le latou faamoemoe ile aoga tulaga lua a Malisi i Mulivai ile faailoa lea i alo ma fanau lalovaoa nei ole atunuu le taua o lenei foi faagatama lea ua tele tama fanau a le atunuu ua manuia ai.”
