O loo fesiligia e le Susuga Freddy Sooalo, pe mata ose faailoga lanu a leoleo o Ausetalia lea ua ia molimauina ile mataupu o loo galue ai nei e finau mo le tama Samoa.
O Freddy e galue sootaga i ofisa o faamasinoga i Ausetalia, na te faaliliu upu ma tula’i ile faamasinoga e finau faaletulafono moliaga solitulafono a tagata Samoa o galulue faavaitaimi i Ausetalia.
Peita’i ua ia fautuaina leoleo a Ausetalia sei fai ia ma le amiotonu, ma le sa’o a latou tuuaiga,
Talu ua ia matamata ile cctv a le kalapu, ma iloa atu ai le atalii o savali i autafa o le auala o le kalapu,
Ae ua tuuaia ai e leoleo ole tama Samoa lea na faaoolima matuia i le ua manu’a tigaina.
Finau Freddy, Matua leai ma se faamaoniga o le cctv, o le atalii Samoa lea na fasia le palagi.
Ma ia fesiligia ai pe le’o le faailoga lanu ea lea.
O ta’ua e le Susuga Freddy, ole tama Samoa lea, ua faamauina , ole faatolu ai lea ona molia ile ava malosi lava.
Ma ia fautuaina ai tagata faigaluega faavaitaimi atu i Samoa, mo Ausetalia, “a fai atu leoleo ia te oe e fai sau faamatalaga, faaoga lau aia tatau, e te tetee ai (no comment), ona e tele ina tou le malamalama i le faauigaina, ma le faalafiina atu o fesili a leoleo, e maua ai latou molimau, e molia ai oe.
Ina ia faigofie ai fesoasoani iai. Ole mataupu lea ile faaiuga ole vaiaso na te’a nei, na fai lava si umi o taumafai e fesoasoani i lenei atalii, o loo tuuaina i le o-na, faia ni amioga mataga, solitulafono, i se tamaita’i.
