E le fou le galuega faata’ita’i ua tofia iai Fui Tupa’i Mau Simanu

A’o faagasolo ai le mau galuega faagaioioi a le Matagaluega o Galuega a le Malo, sa faaauau lava ae talitali ai pe so latou CEO poo se Ofisa Sili.

Peita’i o lea ua faamaonia mai le taunuuga o le filifiliga a le Komisi o tagata Faigaluega ale malo, PSC Public Service Commission, na sailia ai se CEO mai tagata na talosaga ile avanoa.

“Ua maua e le afioga a Fui Tupa’i Mau Simanu,  ile avanoa ole Ofisa Sili, CEO a le Matagaluega o Galuega a le Malo. “

Pei ona faamaonia mai e le afioga i le Minisita ole Matagaluega, Afioga  Olo Afoa Vaai ina ua tatou fesiligia ai ile faaiuga ole vaiaso. Saunoa Olo , o le tamalii lea sa galue i le EPC ile tulaga faa ACEO a le Engineering Project.