Toe ititi atoa le tausaga talu ona avanoa le tulaga tofi ole Komesina o leoleo ma Falepuipui a Samoa.
Lea ua tofia nei iai, ile Afioga a Auapaau Logoitino Filipo, pei ona faamaonia ai e le malo, poo le kapeneta, e nate vaaia le Matagaluega mo lesi tolu tausaga. Ole afioga i le Minsita o leoleo Faualo Harry Schuster na ia faamaonia mai foi ina ua fesiligia e le Radio Polynesia.
Peita’i e le’o le taimi muamua lea ua umia ai e le afioga a Auapaau le tofiga Komesina.
O le taimi o le polokalame ole tausaga o le filemu, a Malo Aufaatasi, United Nation UN, na tofia ai foi lea tamalii, ile tofiga Komesina i Solomona, ile taimi o le RAMSI, na ia galue ai i Solomona mo le silia ile tolu tausaga.
O le masina o Aukuso 2021 na faamavae ai le Susuga Fuiavailili Egon Keil mai le tofiga, ma auaua’i mai ai lava sui ofisa sili tai masina , ile tofiga Komesina le tumau, sa aofia ai Auapaau, Papalii Monalisa Keti ma Leiataua Samuaelu Afamasaga.
Ua 52 ai lenei o tausaga o le soifua olea foi tamalii mai le afioga o Falevao, Manono, Siumu Fagaloa ma Vaimoso. ua tusa male 20 tausaga talu ona galue ai ile Matagaluega. o leoleo.
