E le fou le taunuu mai oni laau malosi ma pulu fana ile atunuu.
O loo faatau e le au fai pisinisi na oloa , I lalo o a latou laisene faapitoa, e sootaga I faatanaga faapitoa foi mai le Matagaluega o leoleo.
Pei foi ona fesiligia ai le taunuu o na oloa o laau malosi ma pulu, ole sapalai, a le fai pisinisi pei ona faamanino mai e le PUlega o le Matagaluega o leoleo.
Peita’i ona o galuega masani faatino lava a le Oifsa o tiute, o loo faatali ai na oloa i lalo o le vaaiga a le ofisa o le tiute, pei ona faailoa mai e le Komesina o le Matagaluega o leoleo, Auapaau Logoitino Filipo, mai Ausetalia, ina ua tatou fesiligia.
Saunoa Auapaau, o le pusa oloa na taunuu mai ile Aso Sa, ma faamalieina ua tulafono o lo o masani ai ona faaulufale mai fana ma faatau i Samoa I lalo o le tulafono Arms Ordinace 1960.
Na mafai foi ona tatou faamaonia se vaega o fai pisinisi ile tatou atunuu, o loo umia laisene e latou te aumai ai laau malosi ma pulufana ma faafaatau atu, i lalo o aiaiga faapitoa.
Peita’i o masalomia ole fesiligia ai ese vaega ole taunuu mai o le sapalai o oloa o taua I luga, ma faatali ai le kilia a le ofisa tiute, ona e ana ia lea e le alo ole Minisita o le Kapeneta, Afioga a Laaulialemalietoa Polataivao Leuatea Fosi Schmidt.
I tatou sailiga na faamaonia ai, e le fou le faaulufale mai o laau malosi ile atunuu ma faatau e le aufaipisinisi, e aofia ai ma le alo o Laauli lea e ana le pusa oloa o loo taofia ai mo le kilia a le Ofisa tiute.
Pei ona faailoa falauaitele mai e le Ofisa o leoleo, ole pusa oloa o loo fesiligia ai latou, ua faamaonia o loo iai le pemita faataga e faaulufale mai ai laau malosi ma pulufana, oloo iai foi le laisene e faatau i le atunuu, ma e iai foi isi fapisinisi faapea ile tatou atunuu.
Ma na saunoa le afioga I le Komesina , Auapaau o le pusa oloa o laau malosi ma pulufana, e ana ia lea e le faipisinisi o loo laisene faaletulafonoina, I lalo ole vaega 3 o le Arms Ordinace 1960, ma o le pemita foi e aumai ai i ttotonu o le atunuu, o loo aofia uma lava I lalo o lea tulafono.
Ma ta’ua i le faamatalaga aloaia mai leoleo, o le pusa oloa, o loo alu lava ile faasologa ole tiute masani a le Ofisa o Tiute.
