E iloa le isaraelu moni ina ua susue lona faamalama ma toe tepa I lona nuu e faapena foi le agaga o tama ma teine tuai o le kolisi o Avele, lea sa faitau aso ao lea ua faataunuuina ma le manuia e ala I lenei taeao le faamoemoe o le aso fanau o le selau tausaga o le Kolisi o Avele.
O le taeao nei I le itula e 8 lea sa amatalia ai le polokalame a le kolisi lea sa fauao faupo ao lea ua ae ma le manuia e ala I le latou savali faaaloalo ina ua ausia ai le 100 tausaga talu ona faavaeina le aoga a le puataunofo poo le kolisi o Avele I totonu o le atunuu e faitau selau alo ma fanau lea o loo aoaoina ai, o le kolisi lenei o Avele lea sa faavaeina I le tausaga e 1924 lea sa aoaoina ai ma aooga ai lava nao alii peitai ile 1996 lea sa mafai ai loa ona aooga ai loa ma tamaitai seia oo mai lava ile aso.
O le polokalame la nei a Avele lea ua faamatuu mai o lenei vaiaso a maea le savali faaaloalo lea sa amatalia mai luma o le SFESA agai ma I luma o le fale o le malo, malolo lea seia ta le itula e fa I le afiafi ona amatalia ai lea o le umusa ina o le fale Samoa a le kolisi, ile amataga o lenei vaiaso ao tapenapena ai le kolisi mo le faamanatuina o le selau tausaga
o le Aso Gafua o lenei vaiaso na tauaao ai e le asosi o tama ma teine tuai o lea Kolisi le foai tupe e selau afe tala, mai le asosi o tama ma teine tuai o Avele i totonu o le aai o Aukilani i Niu Sila.
O se foai tupe ua tuuina atu mo le galuega o le maota poo le fale Samoa o le Kolisi lea ua faamoemoe e umusa i le Aso Lulu o le vaiaso nei, ma o se tasi foi o polokalame o le selau tausaga.
E ese mai ai foi le isi fesoasoani lea tauaao iai foi tama ma teine tuai o le kolisi o Avele I le tausaga e 2005 agai I le 2009 lea na latoiu foai ai se tino I tupe e sefulu afe tala ilea so gafua ole amataga o lenei foi vaiaso.
E tele isi foai tupe faapea sa tauaao e le asosi faatina i Samoa a o faia tapenaga i le toe fausia lea o le fale Samoa o le kolisi.
E pei e iai le aso ananafi lea sa asia ai ele Asosi a Tamaiti Tuai a le Kolisi o Avele i Melepone le latou fa’amanatuina o le 100 tausaga o a’oga e asiasi ai i fanau i le Campus of Hope.
I lalo o le taitaiga a le afioga I le faafeagaiga Rev. Kainano Opetaia ma na latou faasoa atu ai le feau o le faamoemoe, e faamamafa ai le taua o le fanau i le silafaga a le Alii.
Ae ile maea ai o le latou asiga lea sa latou tauaao ai e ala foi I le mealofa tinoitupe e oo atu I le $3,000 SAT le tauaofai aua mea fai a le fanau ma le lotoa.
Na momoli ai foi le agaga faafetai a le peresitene o le lotoa o faamoeoega i le Peresetene ACOPA Melepone, lau Afioga Misaolefalemalietoa Lolagi Koko, Rev. Opetaia, ma le au matutua o le Melbourne ACOPA mo le tuuina atu o taimi taua mai au faasologa e asiasi ai i a tatou fanau. O la latou sao e fa’amalosia ai le aufaigaluega e fesoasoani ia i latou o lo’o mana’omia ma fa’atumauina nofoaga o le lotoa.
