7 Ianuari 2025, Samoa: O le agaga faafetai lea ua amatalia iai galuega ale SVSG Samoa Victim Support Group mo le 2025.
Ile tali mai a le Peresetene, Siliniu Lina Chang, ole faafetai e fia faaoo atu i le tele o tagata taitoatasi, o faalapotopotoga, o le malo, o volunteers, o sui ole Toomaga i afioaga, ole au faipisnisi, ma latou o loo fesoasoani poo donors i Samoa ma atunuu e mamao, sa lagolagoina le SVSG ile 2024.
O lo tou maau auaunaga fai fua, o mealofa, auaunaga alofa, ole atunuu, ma a tou tatalo faipea, ua aulia mai ai lenei foi tausaga fou, ile manuia a le tautua a le SVSG.
O galuega aapa atu i tua, e ala i galuega faatino, ole laina telefoni , e le mafai ona faataunuu le auaunaga e aunoa ma outou. Ua tumau ai pea le nofoaga mo le saogalemu o tina ma fanau,
Ae o galuega fautua mo le agai i luma.
E le galo le alofa pei ona saunoa Siliniu, ole alofa le fatu atoa o galuega mai le la tausaga, na molimauina o se tausaga ese lea ile sasaa mai o faamanuiaga i ana paaga, ma e talitonu o le’a manuia foi gasologa o le 2025, i galuega fai faatasi.
