E faaauau lava galuega faaleleia o auala tele i le tatou atunuu.
Pei foi ona molimauina mai poloketi o galueaina ai nei ile motu tele, Savaii ile taimi i lalo o le vaavaaiga a le LTA Land Transport Authority.
Ile tali mai a le Ofisa sili ole LTA, Galumalemana Titi Tutuvanu Schwalger ina ua fesiligia e le Leitio Polenisia, “ole faataina o vaega o auala i Savaii, o galuega faaauau lava e toe fausia vaega o auala ua mana’omia.
Pei o le galuega i Satupa’itea o gafa ai ma le Salafai construction. E lei mafai ona mautinoa mai le aofaiga ole tau o ia galuega toe faaleleia i auala o Savaii.
O isi nuu o loo faaleleia foi o latou auala, o Faaala Palauli, Lalomalava ma Salelologa. Ma e tolu kamupani faiauala o loo galulue ai, O le Apia Lua, Ott, ma le FICO.
Ole tausaga talu ai na faamaonia ai e le Kapeneta galuega o auala o ta’ua i luga.
Ma faamauina e le latou lipoti faale kuata tausaga, i lalo o le tausaga faaletupe, 2020-2021 ma atagia i luga o lipoti a le Matagaluega o Faalapotopotoga a le malo.
