E leai se fa’aiuga ua faia ile fausia ose ofisa ole fono i Savaii” Li’o

SHARE NOW

Ole fausia ose maota ole fono mo sona ofisa i SAvaii, e le’o se fuafuaga nei na amata e le faigamalo fou a le FAST.

O Saunoa le fofoga fetalai ole maota, Papalii Taeu Masipa’u, ile tatou faalalanoaga, o se ata ua leva ona fuafua talu mai le 2018 ma lagolagoina foi ele faigamalo o iai nei.

Peita’i o lana malaga i Saina ma isi faipule e toalua ole maota, sa afea ai i talanoaga le mataupu lava lena. Ae o tulaga masani ai lava, i ni fonotaga, le faatalanoa o fuafuaga alualu mamao, ae leai se tala mautu o lena mataupu ua iai nei.

“O mataupu faafono lava na, ae ole tanuuga ma le faatauu o na faatalanoaga, uma ole matafaioi lena a le faigamalo o iai nei.”

“Ae ole fausia ose ofisa o le fono i Savaii, sa tilotilo foi iai le faigamalo iai nei ilana tupe faasoasoa. talu o loo fai lava si taugata , pe ‘a oo ina malaga komiti ole maota mo galuega faatino i Savaii.”

E ioe Papalii, ua na’o se miti suavaia ile taimi nei.

Toe tasi le fono oloo totoe, pei ona saunoa Papalii ma taape ai foi mo lenei tausaga.