E leai se faamaoniga o tuuaiga o Laaulialemalietoa

SHARE NOW

22 Ianuari 2025 Samoa: I le galuega muamua a le Palemene ole Aso Lua, 21 Ianuari, na talanoaina ai le taunuuga o le suesuega a le Komiti suesue faapitoa a le Palemene.

O le suesuega sa faia faasaga ile faipule o Gagaifomauga tolu, Susuga ile Laaulialemalietoa Leuatea Polataivao Schmidt.

Sa tuuaia e le faipule o Safata Lea’ana Posini, o Laaulialemalietoa o loo lafi mai tua o alaleo faasalalau, o faia faamatalaga, sa afaina ai lena faipule.

Peita’i sa poloaia e le maota le komiti suesue faapitoa e taga’i ile moni o lena tuuaiga ogaoga ma avatu molimau.

O le matupu lena lea na tamua iai mataupu a le palemene ananafi, ma faailoa atu ai, e mama le Susuga ile Laaulialemalietoa, mai na tuuaiga.

Sa lagona finagalo o faipule faaali, ma mulimuli ane ai toe faalalolalo le fapule o le Safata , ile maota ae o le Susuga ile Laauli. Ma talosaga ai le afioga ile Palemia, Fiame Naomi Mataafa, ile faipule o Gagaifomauga 3, mo le filemu, ma faapena ai lava ona usitaia ele Susuga ile Laaulialemalietoa le finagalo ole palemia, ma faauma ai lena mataupu ile fono ananafi.

Ae o le faasalaga na fautuaina ai e le komiti le maota, o le faamalolo mo aso fono e tolu, ma aua nei maua sona totogi.

O vaega na ole fono a le maota ananafi na molimauina le lagona e Samoa atoa iinei ma fafo atu, le mafanafana o le Atua, ma le talia o talosaga , ise taunuuga pei ona molimauina ai lona filemu, ile taunuuga o le palemene a Samoa.