Ao feagai ai Samoa ma malologa umi poo le long weekend, o le faataua lava a le Ofisa o Tineimu ma faalavelave tutupu faafuasei o lou saogalemu o la matou faamuamua lea.
Ole aso toanai ole faaiuga o le vaiaso ua tuanai atu nei, lea na faatamaia ai se tai o maota mai Sataua I Asau ise malaia.
Na faafesootai e tatou tala fou le ofisa o Fuimu I Asau mo se faaamaoniga o lenei faalavelave, peitai e lei iai se isi na mafai ona tali mai.
Ae o ata ma Video o loo agiga pea I luga o Upega tafailagi poo le Facebook o loo faalia ai o lenei maota sa aafia ole fale o le afioga ia Vaai poo Tapito Vaai I Asau Savaii.
I fa’atalatalanoaga, Nusipepa ale Obsever ma le Komesina o Tineimu afioga Tanuvasa Petone Mauga na ia faailoa manino ai e leo iai se soifua namaumau ae ole itula e ono ile vaveao ole aso toanai na tulai mai ai lea mu, ole vave tali atu ole ofisa o fuimu I Asau lea sa mafai ai ona faasaoina mai ai nisi o maota o loo sosoo atu I lea fale, e aofia ai se faleoloa, fale falaoa faatasi ai ma le maota o le faafeagaiga o loo late ane I galuega fesoasoani I lea taeao a le vaega o Tineimu ma Faalavelave tutupu faafuasei.
