E le’i mafai e leoleo ona faamaonia le moliaga fasioti tagata

SHARE NOW

E tai 14 masina i le falepuipui fasalaga o alii e to’alua na ioe i o la moliaga o le ave faamalosi.
O Iopu Tanielu ma Iapesa Elisara, na uluai molia i le fasioti tagata, e sootaga i le faalavelave na tupu i le 2018.

Peita’i na toe faaititia ifo le moliaga i le ave faamalosi, i le masina o Mati, ina ua faailoa atu e le itu a leoleo e le’o lava molimau e faaaua ai moliaga o le fasioti tagata.

O le faasalaga lea na tuuina mai e Justice Tuala Warren. Ae i le tolaulauga a leoleo, O le ua maliu na alu atu i le taxi i Laulii. Ae oo atu i Laulii, ma alu le pasese lea e le totogi le taavale.

Ma tuli vae ai loa e le o tuuaia ma le tauaiga, le pasese ae muli muli atu ai le taxi faasusulu atu iai moli. Na maua loa le pasese lea na sola ma avane fafao i le keli o le taxi, pei ona faatonuina e le avetaxi, ma alu sao loa e momoli le pasese lea  i leoleo.

Na piki e le ave taxi le pasese i le auala, ae na faalogo atu le pasese lea i le pa’o mai o le keli ole taxi, ae oo  ane i le auala ua leai se pa’o.

Ae taunuu atu i le ofisa o leoleo i Apia, tatala atu le keli, ma alu ane le leoleo faamaonia ua maliu le pasese.

Ole molimau a le foma’i e oo atu ile falemai ua maliu le pasese, ile tusa o le 10 i le po. O lipotia e le foma’i, ole mafuaaga o le maliu ona ose manuaga i lona ulu mai se mea matatupa.

Na faamatala e alii e toalua na latou fusu muamua ma le pasese lea. Ma tuu ai ile keli o le taxi, mole taimi atoa lava na sau ai le taxi mai gauta o Laulii, ile ofisa o Leoleo i Apia, pe silia ma le afaitula.

E tai 14 masina i le falepuipui fasalaga o ia alii na ioe i  moliaga o le ave faamalosi.