Ua tutu’a’ai ai nei le Matagaluega o le Soifua maloloina a Samoa e mata’itu ne’i sao mai se tagata o loo aafia i siama o le Monkeypox, aemaise o tuaoi faavao o malo o Samoa. mai atunuu lea ua aafia ile siama.
I le pepa a le malo Savali, o loo lipotia ai le maua ele Matagaluega o lipoti ua alia’e le faama’i lea i NIusila, ma o loo mata’itu ai le aga’iga o lenei faamai i Niusila ma Ausetalia.
Talu e lei oo mai lava se tala oni tagata ua aafia ai i Ausetalia vagana Niusila faatoa faamau le latou tagata muamua.
Ae o loo mataala pea iai le tatou Matagaluega o le Soifua maloloina ma aga’iga i luma, o le’a faailoa faalauaitele lava , pe iai se faaaliga e iloa.
O ta’ua e le alii foma’i, o le Monkeypox ua fai si leva talu ona iloa, ae ole taimi nei e iai ma’i o loo ta’u mai i isi atunuu, ae o loo taumafai e tulituliloa, pe mata ose airborne, feavea’i e le ea, pe pipisi atu i le fepa’ia’i.
E le’o tele se tala i lenei taimi pe ose faama’i e feaveai e le ea siama ole monkeypox. Talu e leai so fofo o le virus po o le siama lea, ae o taua e le alii fomai, TAgaloa, e ui o na tulaga, ae o le faaeteete lava , pei o le ‘aloese mai nofoaga tumutumu, nofo i le fale, fai le talifofoga, ma malolo lelei.
O auga e aofia ai le, vevela, tiga le ulu, tiga maso ma le tua, fulafula lymph nodes poo faamama toto, faamaalili ma le faaleleva.
O aafiaga o le pa’u pei ni faapepe e putaputa ma papa mai i luga o foliga, o totonu o le fofoga, m aisi vaega o le tino, pei o vae ma lima, fatafata ma itutino sa.
