Ua faaleaogaina e le afioga i le Faamasino Sili, Justice Perese le talosaga a le sa avea ma Peresetene o le Faamasinoga o Fanua ma Suafa Letufuga Atilla Ropati faasaga ile faaleaogaina o lona tofiga.
Ole faaiuga lea na faia ananafi, ae o ananafi foi lea na ave iai o lona aso mulimuli i le ofisa.
I le faaiuga a le faamasino, e tolu itu na taga’i iai, pe sa faataino le vaega 67 o le tulafono Fanua ma Suafa 2020, ile faaiuga ua faamalolo ai Peresetene .
Peita’i i le folasaga a le Loia Sili, ole faaiuga e tofia le Peresetene fou, e afua mai ile Faavae ma ole itute lena o le malo, ole mulimulia o le tulafono faavae , e faia le tofiga e taitaia le Faamasinoga ma ona maave eseese fou.
Ole talafeagai ai ole fatatau ua faia, lesi itu na tagai iai le Faamasino.
Ae na agia mai le folasaga a le Loia sili, le taua o le Peresetene fou ua tofia, ua uma ona saini e le afioga i le Sui Ao o le malo o Samoa, e amata atu ai nei ile aso 1 o Novema 2022, ona Ia taitaia le faiga fou mo le Faamasinoga i lalo o le Tulafono ma suiga ole Faavae.
Ole taua: ile folasaga a le Loia Sili, Olea ua atoa ai nei tino o le Komisi a le auauaga faa Faamasinoga. Ma ua mafai ai foi tofia Faamasino fou, e saofaia le Faamasinoga o Fanua ma Suafa. Ile uma ane ai ona faaopopo le vaega lena o le tofiga ile tulafono, o faamoemoe e teuteu ile fono a le Palemene ile masin ao Tesema.
Ua iloa o loo tele mataupu tuua a le Fa’amasinoga o fanua ma Suafa, ma o le tofiga o faamasino, e mafai ai foi ona foia le faasologa e tatau ai, e le’o aumaia ele tulafono .
O le tutoatasi ole Faamasinoga , e taua tele ma le faaaloalo pei ona saunoa le le Faamasino Sili.
Ole tulafono o iai nei , e le’o mafai ai ona toe faauau le tofiga Peresetne mo le faiga fou ole faamasnioga o Fanua ma Suafa,
O le itu talosaga , na tofia lona Peresetene i lalo o le Tulafono o fanua ma Suafa o le 1981. Ae ile puleaina ole Faamasinoga, o loo mana’o mia ai ona fai le faaiuga a le Faamasino Sili, faatatau ile tulaga o iai nei le Faamasinoga o Fanua ma Suafa ma ona aafiaga, talu le fatuai o galuega, ile tofiaina o faamasino, i lalo ole Tulafono ma le Peresetene i lalo o le Faavae.
Ma e le’o filifilia foi le o loo talosaga e nate taitai, le Faamasinoga Fou o fanua ma Suafa, ma e tatau ai foi ona amanaia e le Faamasinoga, le faatatau na faia ei latou o iai le malosiaga o le Faavae e faia le faaiuga, pei ona saunoa le Faamasino Sili.
Ma ua taunuu ai foi lana faaiuga, e le tatau ona talia le talosaga,
