Tala tuliloa o le Mataupu sitiseni ile palemene o NIusila, mo le toe faafoi mai ole sitiseni Niusila o tagata Samoa, i lona teuteuga 2023, Ua pasia ai e le Komiti o le maota o le Palemene a Niusila le teuteuga e tasi.
O le teuteuga lea na faaulu ane e le faipule ia Andy Foster o le New Zealand First Party, ma le sui o le komiti galue ole maota.
E toe faafoi tupe o talosaga, e manuia latou talosaga. Lona uiga afai e agavaa le talosaga i lalo o le pili, e talosaga mo se sitiseni ae manuia, e toe faafoi ane le tupe ole talosaga.
Peita’i e lua isi teuteuga na faaulu e le faipule ia Teanau Tuiono ile maota,
1: Ia toso mai le taimi agavaa o tagata ile sitiseni, i suli na fananau e le’i oo ile aso 1 o Ianuari 1962.
2: Ia faataga talosaga e faaulu fua e le totogia.
Peita’I ane, sa le mafai ona taliaina e le tele o faipule o le maota ana teuteuga, e ui ina lagolagoina ele Labor ma le Te Pati Maori.
O lesi laasaga lea o le ‘a oo atu iai pei ona taua e le faamatalaga mai le susuga a Teleiai Edwin Puni, ole vaai poo afea le faitauga lona tolu, o loo valoia e le’o toe mamao i nai vaiaso oi luma.
O fuafuaga lava o le faitauga lona lua, o le’a faapena foi mo le laasaga o le faitauga lona tolu.
Ae o le faafetai a le Teanau Tuiono team ma le lautele o le tapenaga, o loo momoli mai le latou faafetai tele ile lagolago , ua mafai ai ona oo atu I lea vaega ua ausia ai nei. Ae o le’a talia le taunuuga o le faitauga lona tolu.
