Talu mai lava le 2020, e lei toe iai se isi tagata na faamauina i Samoa o aafia ile siama ole HIV e mafua ai le Aids, vagana lava le toa 12 o loo iai e oo ma nei.
Peit’ai ua aumai ai nei faafautuaga faalaua’itele e le Matagaluega o le Soifua maloloina a Samoa, i le pipisi o le siama o le HIV e afua ai le Aids i totou o Fiti.
Lea ua oo atu i le 170 isi tagata faaopopo i Fiti ua aafia ile siama o le HIV, ma oo atu ai ile 415 e aofia ai ma tamaiti e toa 11 , i totonu o le tausaga e tasi, 2022 ile 2023.
I latou faamaumauga ua 1,553 tagata Fiti lava ia ua aafia ai nei ile siama o le HIV ma le Aids ma lona lua ai Fiti ile tele o tagata aafia ile faamai, ile tatou itulagi ole Pasefika.
Ae o le tatou atunuu, e na’o le 12 o loo faamauina talu mai le 2020.
Ia puipuia mai le pepesi o le HIV , e tatau ona faia ni suega, ile vaega o faamai le pipisi, i Motootua.
Ma ua fautuaina le faaaoga o pau fai usuga, mo le saogalemu, ia tasi lau paaga, ma taumamao mai le feusua’i ma lau paaga pe’a fai e te le’o talitonuina o loo saogalemu.
Ole siama o le HIV, human immunodeficiency virus, e nate osofai le gasolosoga maloloina ole neula ma sela ole tino ole tagata ma faasolo atu ai ina maua ile AIDS, acaqured immune deficiency dyndrome, pe a le faia togafiti e tatau ai.
E mafai ona pepesi mai le tagata ua aafia, ile toto, suasusu, suavai mai totoga sa tulou, feusuaiga le afeia, e aofia ia ma le faaaoga ole mu’a, (tulou) ae o nila.
Peita’i o faapea mai foi le falemai, e le pipisi ile kisi, opoopo, aai faatasi.
