O loo tupu pea le aofai o tagata pisia i le faaamai koviti i le tatou atunuu, faapena foi i tagata maliliu i totonu ole ta’ilua aso ma aumai faamaumaug a a le Matagaluega ole soifua maloloina,
Pei ona iai ile aso 6-8 o Me sa na’o le 119 tagata na pisia i totonu o le lua aso ae toa tasi le maliu na faamauina.
Ae oo atu i le aso 8-10 Me ua matua iloga ona siita’i ile 268 tagata aafia ma lesi foi maliu e toatasi ua faaopopo, ole tina 59 tausaga le matua. E iai ona gasegae tumau ae lei faia sona tui puipui ole koviti.
Ua si’itia ai i le 11,237 le aofa’i o tagata pisia i Samoa talu ona sao i tua le fa’ama’i i le Aso 17 Mati 2022.
E to’afa (4) gasegase o lo’o taofia nei i le Falema’i i Moto’otua ile taimi ole lipoti lata mai.
Ua oo atu nei ile 24 māliu i le atunu’u i auga o le koviti 19.
Ae o loo momoli atu ai fa’amaisega ma fa’amafanafanaga mai lo tatou Mālō ma Samoa atoa i ‘āiga ma fanau pele o e ua tu’ua le mafutaga ona ole faama’i.
Ae oloo fautuainaia faia tui puipui o le Koviti – 19 o le puipuiga e tete’e atu ai i lea fa’ama’i mata’utia.
Ia tausisia ma usitā’ia le faia o tali fofoga ma le nofo ma le tutū mo le 2 mita mai le isi tagata aemaise i nofoaga faitele
