E le’o iai le igoa o Samoa ile lisi uliuli black list a le li’o o malo Europa, pei ona faamanino mai ai nei e le faletupe tutotonu ma ua faalauaitele mai ai e le susuga a Gilbert Wongsin, Kovana le tumau, ole Faletupe Tutotonu o Samoa, o lana tusi ile Faatonu, e teena ai ni faasalalauga a le Nusipepa ole Samoa Observer, ole aso 22 o Fepuari, o lomia ai “Samoa still on EU Blacklist ” ma ia talosaga atu e faasa’o.
I le tusi a Mr Wongsin, e le’o iai se igoa o Samoa i luga o le Black list poo le Anti Money laundary AML a le EU, (poo atunuu ia o loo maua ai tupe mama (clean money) mai oloa faasolitulafono o loo faatau mai ai).
O Samoa lesi totino ole APG Asia Pacifi Group on Money Laundaring, talu ona toe teuteu lana tulafono 2007, ile 2018 ua siitia lava le mulimulitaia o ala e puipuia mai ai Samoa, i lu’itau, e ala ile galulue faatasi ma ana faapaaga.
