O loo fai ma alia’e gasegase e faamaonia ua aafia i le Dengue fever pei ona molimauina e le alii foma’i, i le feiloaiga ma Tusitala ile vaiaso nei, a sui o le NEOC, National Emmergency Operation Center, Komiti o faalavelave faafuase’i.
Na ia faailoa ai , e le’o iai le Dengue ise tulaga e faapopoleina ai le atunuu, peita’i o loo mataituina pea ile taimi nei,
E manatua ai le taimi ole misela sa faale ano iai mai le amataga, ae mulimuli ane ua pipisi ma maumau ai soifua.
Peita’i o le Dengue fever e afua mai ile siama e feaveai e le namu, ma e tele ina mapuna ae i atunuu Teropika, o auga e aofia ai le vevela poo le fiva ma le foliga e flu, ae a faatetele e ono oo auga i tulaga ogaoga pei ona ta’ua e le alii foma’i.
Ae i faamaumauga o le dengue, e faitau miliona tagata e maua ai ile lalolagi i le tausaga. ae taatele lava i vaega i Saute o le atu Asia, atu motu i vaega i sasae o le Pasefika, Latin Amerika ma Aferika. Ma ua lipotia le pipisi atu i isi vaega sa le masani ai, pei o Europa ma vaega i saute o le USA Iunate Setete o Amerika.
Ae ile tatou atunuu mo le taimi nei pei ona lipotia e le alii foma’i mo le masina o Iuni e na’o le ono ma’i na faamauina e le matagaleuga. Taimi nei, i fautuaga faamauina o auala sili mo le puipuia mai le dengue, o le taumafai e faatamaia nofoaga e tuufua ai namu, ma ‘aua nei aia e namu.
