E lua masina atoatoa lava lea o loo totoe, ona toe taunu’u mai foi lea o lesi meli la’u pasese, poo le vaa o tafafao mai ai tulisi i le atunuu.
Peita’i ose tatou faatalanoaga ma le faatonusili o le Ofisa vaa a le Samoa Global shipping agent, na gafa ma le aumaia o meli la’u pasese e lua talu ai nei, na maitauina ai e le tamaitai Pule faatonu, Fiona Uili, e le taitai ona lava sapalai o fualaau fai sua ma fualaau suamalie ile tatou atunuu, mo vaa nei.
” O le tele o isi vaa i tausaga ua mavae, o le vaega lea sa taumafai lava e tulei. ina ia tele ai se tupe maua a le tatou atunuu ma le aufai faatoaga.
E talitonu o isi vaa oi le lumanai o le mea lava lea e tasi. O le taumafai e una’i atu itu ia, ia omai Vaa ae o loo lava fua o tatou faaeleeleaga. “Pau le vaega e ono feto’i ai e faatauanau atu i vaa, ona e le’o lava le sapalai i le tatou maketi.
O faatauga a vaa ua uma atu sa le mafai ona maua le aofai o oloa mana’omia, ae ua na’o nai mea lava e tali atu ai.
Ae o le tele o oloa taumafa e le’o mafai ona faamalieina e tatou maketi i Samoa nei.” O le aso 31 o Tesema e taunuu ai lesi vaa, e tapena atu iai le au fai faatoaga i lena aso, mo tupe maua.
