Ao feagai ai le atunuu ma suiga maaleale ole tau, malosi ole tikeri ole vevela ua mamago ai vao ma vaomatua ma ua avea ma tulaga ua tau amata matutu ai le eleele.
Ae e leo malolo pea le pulega o le tineimu ma faalavelave e tutupu faafuase’i poo le FESA ile faagasolo ai lea i tua o nuu ma afioaga taitasi o Ekalesia ae le gata ai foi lea o Matagaluega a le malo ma nisi galuega tumaoti ole atunuu.
Le faatinoina ai lea o aoaoga ma tulaga manaomia e tatau ona mulimulitaia e le mamalu ole atunuu i soo se taimi lava ole lumanai e ono lofia ai le atunuu i afa ma matagi, tsunami, mafui’e, o mu ma le tele o faalavelave e aafia ai Samoa i lenei vaitau.
Ole manulauti poo le sini autu o polokalame faalauiloa faaauau a le pulega, ia mautinoa ke saogalemu o tagata uma ma ia malamalama i auala ma faatinoga e faasaoina ai se soifua i taimi o faalavelave tutupu faafuase’i.
Lea e iai le vaiaso ua mavae atu ma le aso ananafi lea na faatinoina ai nisi o polokalame faalauiloa a le pulega ile mamalu ole Ekalesia o Aupaia o Aso e Gata Ai, ile afioaga o Vailele.
O lenei polokalame sa faamanino ai faatinoga ma ta’iala e nofo tapena ai le mamalu lautele ole ekalesia pea mu se fale, pe tula’i mai se faalavelave faafuase’i i totonu o aiga.
Ole agaga faafetai na momoli lea ele pulega o tineimu ma faalavelave tutupu faafuase’i il susuga ile Epikopo ma ona soatau fesoasoani aemaise le mamalu ole Ekalesia sa auai ile polokalame na latou faatautaia mo le faanaunauta’i lava ia malu puipuia ma saogalemu le mamalu ole atunuu ae ole vaega sili ia mafai ona latou faatino faataitaiga ma aoaoga lea na faasolo atu ai le pulega i tua o nuu ma afioaga aua lava se Samoa saogalemu.
