Toe pau lenei o le mvaiaso ona tatou oo atu loa ile masina e faamanatuina ai le kirimasi ae ua faailoa mai ai ele Sooupu o galuega faavaitaimi a Samoa i Niu Sila e ala I se faasilsilaga o loo faalia mai ai se tasi o mataupu fou o loo tulai mai pea ia I latou oloo malaga atu mo galuega faavaitaimi.
Aemaise lava ia i latou lea faatoa taunu’u atu i Niu Sila ae ua taumafai faanoi e toe o ai Samoa.
Na faailoa manino e le sooupu o galuega faavaitaimi
(i), e le mafai ona e toe foi Samoa sei vagana ua maea le season sa e saini-lima ai le konokarate (contract) faigaluege e 7 masina lea e te sau ai.
(ii) A fai e te alu i Samoa, e na’o le maliu lava o lou tina. tama, toalua poo sesi foi o lau fanau, e mafai ai ona faatagaina lou toe foi i Samoa e te auai ona e toe sau lea. A fai la e te alu i le maliu, o lau matafaioi le totogiina o lou pasese alu ma toe foi mai.Sei vagana ua e alu le maliu e le toe foi mai, ona e faaoga ai lea o lou return fare lea sa totogi o le season nei.
(iii) A fai e te alu i maliu o lou aiga pei ona taua i le vaega (ii) tina, tama, toalua poo sesi o lau fanau, e moomia e le kamupani le pepa maliu, ma se tusi faamaonia mai lou aiga i lou auai atu ai.
(iv) O nisi vaega ese mai le maliu o loo taua i le (ii) & (iii), e le taliaina ai lou toe foi Samoa sei vagana ua maea le season i le 7 masina
(v) Mo i latou o loo fesili mai pea faapea o latou fa’aipoipoga e toe fia foi ai. Sa tatau ona e faailoa mai vaega na i le taimi a’e lei sainia lau konokarate i Samoa, ona mafai lea ona e nofo e te le sau le season nei, sei tau puleola le isi season fou. Ae a faapea lava e moni ma faamaoni lau faaipoipoga, e tatau la ona iai se faamaoniga o tusi valaaulia, polokalame o le faaipoipoga ma se tusi faamaonia a le faifeau. O lau alu foi, e totogi lava e oe lau return fare e te alu ma toe sau ai.
(vii) Pei ona faamanatu atu, o le tatou visa o le visa RSE, e le mafai ona e alu ai e te tafao i ou aiga i NZ nei mo le vaitau o le Xmas ma le Tausaga fou. Na tatou omai tatou te galulue lenei season atoa aua se manuia nai tou aiga ma fanau o faamuli mai.
Afai ae faamaonia o loo e solia nei tuutuuga uma ma ua e pule lava oe e te alu ma ua faapu’upu’uina ai le taimi o lau konokarate faigaluega i le kamupani, o lea aveese loa lou igoa ma tuuina atu i le blacklist, ma e iai foi tu’utu’uga e tuuina atu le fautuga i le tou Ofisa Fono Faavae, ma logoina le tulaga pei ona e toe foi atu ai ona ua e solia faavae o le konokarate o le 7 masina. O le tuuina atu o lou faailoa i le Fono Faavae ia latou iloa ai le mafuaaga o lou vave sau ma se fuafuaga mo oe aemaise lou nu’u.
