Tala toe tuliloa, ile ulugalii o taofia pea i lalo ole vaaiga a leoleo, i Tanumalala, Susuga Samuelu Sua ma le faletua ia Sivai Kepu, i moliaga a leoleo ile faia o tala faalumaluma.
O moliaga ia e sootaga i le maliu lilo o le alii aoga a le IUnivesete o Samoa, Tuuau Maletino talu mai Aperila ole 2021.
Peita’i mai le tatou paaga i le faamasinoga faaitumalo i Mulinuu ananafi, na talia e le Faamasino, Afioga a Talasa Atoa, le talosaga a le loia a Samuelu ma lona to’alua e toe tolo atu le iloiloga o le talosaga a Samuelu e tatala ai i tua, sei maua ane le faaiuga o le faaata faapitoa o Samuelu.
Mai le tatou sooupu ile faamasinoga, e ese mai le taunuuga o le faata faapitoa o loo faatali, ae iai lava foi ma isi mataupu.
Molimauina mai foi ile faamasinoga ananafi, le tumu o le potu faamasino muamua lea na valaau ai lenei matapu, ae na toe tuumuli le toatele ina ua toe tolo atu ile Aso Tofi o le Vaiaso nei, o faamoemoe e oo atu iai ua maua le faaiuga o le faata faapitoa o Samuelu.
Ole Susuga a Fetu Lagaaia, le loia a Samuelu ma lona faletua,
E ese mai le talosaga e tatala ai i tua le ulugalii o ta’ua i luga, ae o loo talia foi le aso Lua o le vaiaso fou, e valaau ai le moliaga a leoleo faasaga ia Samuelu, Sivai ma le teine aoga o le Univesite, sa molia faatasi ai e leoleo ile masina talu ai.
O le mataupu lea e sootaga uma lava ile maliu faafuasei o Tuaau Maletino ma molimau faalauaitele ai e Samuelu i luga o fesootaiga televave lona sootaga ile maliu o Tuuau.
O na molimau a Samuelu na faatoa maona ae i luga ina ua to’alia suesuega a leoleo, ae mulimuli ane faailoa ele Komesina, Auapaau Logoitino Filipo, e leai se faamaoniga o molimau a Samuelu, ma faapena ona lagolagoina e le Minisita ole matagaluega, Faualo Lefau Harry Schuster.
O loo tumau lava le faaiuga a le Kapeneta e faasee ese ai le MInisita ma le mataupu lea ile maliu lilo o Tuuau, talu e aiga ma le faipule o tuuaia e Samuelu.
Ua lu’i foi e le Minisita soo se tagata , e su leoleo pe’a iloa e sese.
O le Aso Tofi o le vaiaso nei e iloa ai le taualumaga o le CT Scan ma le talosaga e tatala i tua Samuelu ma lona faletua,
Ae Aso Lua ai ole vaiaso fou, e fai ai le faamasinoga o moliaga a leoleo, na afua ai ona taofia le ulugalii i Tanumalala pei ona iai ile taimi nei.
