Ua faitau vaiaso tapenaga a Samoa amata lana taligamalo, ole fono tele a taitai o malo ole taupulega, CHOGM ia Oketopa.
Peita’i ua faailoa mai e le ofisa ole failautusi a le malo, polokalame olea faamoemoe a le taitaifono, King Charles lll ma lana masiofo Queen Kamila.
O lana fonotaga tele muamua lea talu ona avea ma tupu o Peratania tele, ae ole taitai o malo ole taupulega, peita’i mai le pepa o faamatalaga, olea faia le ‘ava faatupu ole feiloaiga, e leo faailoa mai poo ai le afioaga poo se faalapotopotoga e faatinoa lea faamoemoe.
Ae ua mautinoa se feiloaiga ma se vaega o fanau laiti ma taitai lotu. Oloo iai foi le lisi o nofoaga e fia oo atu iai le tupu, ose togatogo, ma fanua faasao, ma le sao o tagata lautele ile tausia o na laufanua.
Ma olea ia totō foi se laau ile Samoa Botanical Garden i Vailima, ma faaigoa ai lena laufanua ole Kings Garden, poo le togalaau a le tupu.
E oo mai nei, ua pa’ū le ‘ulu maopo sa totō e lona tina, le tupu tama’ita’i Queen Elizabeth ile togalaau i Vailima, ile taimi na malaga taamilo ai ile Pasefika ma afea ai Samoa ia Fepuari ole 1977.
Ae na toe totō foi lesi laau, ua leo se ‘ulu ae ole talafalu ile togalaau faasao lava i Vailima, ile masina o Iuni, ole 2022, e le sui ole malo Peratania i Samoa, ma le sui ole Matagaluega ole Siosiomaga a Samoa, e faailoga ai le 70 tausaga ole taitaiga a Queen Elizabeth i malo ole taupulega.
Peita’i e tolu masina mulimuli ane, ae tuumalo ile aso 8 o Setema 2022, ile 96 tausaga o lona soifua.
Ole Aso Sa na te’a nei atoa iai le lua tausaga talu ona maliu le tupu tama’ita’i, ma sui tulaga mai ai nei, King Salesa lll, ma ia faaauau ai pea le agaga ole puipuia ole siosiomaga e ala ile totoina o laau. O lesi lea sini ole fono, A resilient Environment, ose siosiomaga mautu, e aofia ai ma le mata’ituina o sami.
Peita’i ua maitauina e le masiofo Kamila, olea asia se aoga faifeau, e leo faailoa mai poo ai ke aoga faigeau ua filifilia. O aoga faifeau sa ulua’i a’oa’o mai ai le tusitusi a tamaiti ma faitau, ma asia ai le Campus o Hope i Tuanaimato, ma le latou auaunaga i fanau aafia mai sauaga i Samoa. Ole taligamalo e auai mai ai taitai o malo e 56, mai Aferika, Caribbean, Europa, Asia ma le Pasefika ma sina vaega o Amerika i Saute ma Matu.
Ole sini ole CHOGM, One Resilient Common Future: Transforming Our Common Wealth, poo le lumanai mausali e atagia ai le tamaoaiga lautele, ma le resilient societies and peoples, resilient democratic institutions, a resilient environment and resilient economies. E tupuga mai i sosaiete ma tagata mautu, ae o aga faatemokalasi, ole siosiomaga ma le tamaoaiga mautu.
