E le’o toe tuuavanoa le Pulega o Tiute i tagata solitulfaono

Ua toe foi i Saina le alii faipisinisi na ia gaosia le avamalosi o le Rover i Samoa.

Peita’i o lana container atoa o le Ethanol lea na taofia e le Custom, ua iai le fuafuaga e avatu ile ofisa o Suesuega faasaienisi e faaaoga e latou mo latou suesuega.

I le mataupu lava lea o le ava malosi, na taofia mai ai e le Ofisa ole tiute i le tausaga talu ai, avamalosi mai SAvaii, e oo atu lo latou tau i le 30- 40afe tala.

Peita’i ile faaiuga a le faamasinoga, e faatau oloa mo se tupe maua. Peita’i o ta’ua e le pulega o le Ofisa Tiute ina ua tatou fesiligia, o iai le fuafuaga e faatama’ia uma oloa na tau avamalosi na maua mai Savaii.

I suesuega faapitoa sa faatino, e ono masina na tapu ai le toe aumaia o Ethanol i Samoa, talu mai Mati ia Setema ole tausaga nei. Na afua suesuega ina ua iai popolega, mai le ofisa o leoleo ma faipisinisi, ae o mataupu e oo atu i le faamasinoga, e sootaga lava ile avamalosi, aemaise o le Rover.

Na oo lava ina tusi atu ai le afioga i le Minisita o le Custom Tiute ma Tupe maua, a Samoa, o le Sui Palemia, Tuala Iosefo Ponifasio, o ia foi o le taitaifono o le Fono faatonu o le Ava malosi, i fale gaosi ava malosi i le atunuu, o le a taofia le toe aumaia o le Ethanol i Samoa.

Ina ua maua ane o loo faasolitulafono le tele o le spili lea totonu o avamalosi aemaise ole Rover.
Peita’i sa faataga lava mo galuega faatino a le Matagaluega o le Soifua maloloina , ma le ofisa suesue faasaienitisi.

Ua i lima nei o le ofisa tiute oloa tau avamalosi na ao mai Savaii,. o iai le faatatau e faatama’ia uma.
Vagana ai le container Ethanol na taofia foi e le Custome e avatu ile ofisa SROS e faaaoga mo a latou galuega suesue.