Ua faaleo manatu o matua o le itumalo o Vaa o Fonti i totonu o le Fonotaga ale Palemene e tauala atu i le latou faipule le susuga ia Mauu Siaosi Puepuemai
I le Minisita o le Matagaluega o Fesootaiga le afioga ia Toelupe Poumulinuku Onesemo pe le ua tatau ona fai se galuega ma se togafiti i alo ma fanau aoga o loo faaogaina le auala o fesootaiga o le telefoni.
Ina ua talosaga atu nisi o matua o lona itumalo ua oo lava ile tamaititi lima tausaga ua iloa faaoga le telefoni ma ua tele foi alo ma fanau ua latou faia taaloga eseese i luga o le telefoni ile po atoa ma manatu ai matua o loo galulue i meaaoga na tuuina atu e faiaoga.
“Le Minisita o Fesootaiga faamolemole a lau afioga sei toe silasila ane a le faaogaina o le facebook, o atunuu nei mai fafo, o le atamamai ia e fai mea e faatosina ma faasese ai o le maitau ile tele o tupulaga talavou ua oo a le 5 tausaga faapea oe o la e fai se meaaoga a lae fia taaloga”
“Sei silasila ane a pe le mafia ona aveese le vaega lea mai luga o le facebook, toatele o tamaiti o lae ola le moli le po atoa, ae o moilmau na o nisi o matua e faaleo i totonu o le palemene ma le Minsita ma le Matagaluega pe mafai ona fai se vaega lene,”
“O nisi o fanau o lae tuu e matua o lae fai a latou meaaoga, ae e leai se meaaoga o faia ile telefoni, ae o la e faaaoga e taaalo ai i taaloga, pei o le itu lena sei toe silasila iai,”
“E manaomia e Samoa alo ma fanau atamamai, ia tele atu le taimi e faaoga tatau, e fai ai a latou sailiiliga faaleaoaoaga ae o lea ua maitauina o le isi lea vaega ua faaletonu ai nisi o fanau ua malosi tele le taaalo i telefoni,”
Saunoa le tofi o le Vaa o Fonoti e manaomia le faia o se galuega i lea tulaga ina ia taofia ai le faaalu sese o le taimi aemaise vaitaimi nei ua feagai ai nisi o fanau ma suega.
