O le masina o Aperila lea ua iai le fuafuaga a le Ofisa o faiga palota o lea agai ai i tua i itumalo uma e 51 o le atunuu e faatino le toe resitalaina o tagata nuu uma o Samoa e agavaa mo le faiga palota 2026.
Peitai o vaega e manaomia mo le faatinoina o le resitala, e tatau ona tauaao atu pepa fanau ma se pepa faailo poo le ID foi, ID penisione, ID NPF poo le tusi folau.
O le pepa faamaonia o le matai, ma le pepa faamaonia o le fanua pe afai o loo e alala i se fanaua umia saoloto.
O le autu o lenei galuega ma le naunautaiga a le ofisa ia mautinoa le resitalaina uma o tagatanuu uma ua agavaa e palota, ma ia mautu ma atoatoa lelei le faataatiaga o le lisi o tagata palota mo le faiga palota tele 2026.
