O le a manatua pea le atoaga o le 19 tausaga o galuega volunteer a le Toomaga mo e Puapuagatia, SVSG Samoa Victim Support Group, talu ua fetaui ma le tuumalo ai ole Afioga a Ale Tiatia Paepae Komiti.
I saafi alofa a le Toomaga ma lana faamatalaga faalauaitele, o taua ai, ole 2005 na amata mai ai lana polokalame Volunteer.
O na galuega volunteers a le SVSG, sa taulamua ai le tama ia Ale Tiatia mai Toamua.
E le gata ina ose tagata volunteer , I galuega puipui mo fanau sauaina, ae e maliu nei ua faasee ane ose totino a le Fono Faatonu.
Ole 2010 na lesitala ai ose volunteer, ma avea ai foi o ia ma sui o Toamua I totonu o mea fai a le SVSG.
O ta’ua e le faamatalaga faalauaitele a le SVSG, ole 2010 na lesitala ane ai lea foi tamalii, e fai ma sui o Toamua, ma galue mai ai lava e leai se totogi ile 14 ai lenei o tausaga, ma faamuta ina ua faamalolo ai e le Atua ana galuega.
Ua maliu le tofa a Ale, ae o le a manatua pea lona ia foi sao ile faaititia o sauaga o fanau, fafine ma tama i Samoa. Ae ole toe faaleleia ole fale o leoleo o loo iai le ofisa o le SVSG I Apia, na leaga u ma ile taimi o le afa o Eveni, 2012.
Na galulue ai ma lana aufaigaluega faaleleia atoa le fale lalo, ma ia faatupe mea uma na toe faaleleia.
Faatasi ai ma lona taulamua ile faiga o polokalame ile 2013 mo tama, e faatapena ai mo latou faamasinoga.
Na iai foi ile taimi o se vaega o fale api ile 2016, mo teine talavou, e aofia ai Fegaiga Stowers, ma Leilua Lino, ae oel fauga ole Sakura fale, mo tina ma fanau sauaina 2021.
O se tamalii ole’a manatua pea lona sao I galuega alofa, fesoasoani, I fanau sauaina a Samoa, pei ona saunoa le pulega ole SVSG.
