O le lona tolu o aso talu ona leiloa i le sami, ae ua toe maua e leoleo.
O le faalavelave lena na tupu mai Sapulu Salelologa Savaii, ina ua faalautele mai e le pulega o le Matagaluega o leoleo.
O le Aso Toonai na faato’a maua ai e le au maulu faapitoa a leoleo le tino maliu ose alii 23 tausaga o Sapulu Salelologa.
O le tama lea na le toe foi ane lava ile Aso Tofi o le viaso talu ai. i le lipoti a leoleo o ta’ua ai ole alii lea na alu e fagota.
Peita’i e le’o tuua ai le faaauau pea o suesuega a leoleo i le mafuaaga tonu o le maliu.
Ua fautuaina foi e le matagaluega o leoleo le atunuu, i tulaga fesuisuia’i mai o le tau, ma le louloua o ogasami, e taofia loa le o e faagogota.
Ae o loo momoli atu ai faamaisega ma faamafanafaga i aiga loto faavauvau.