E na’o Tuasivi o loo iai le masini faata mo tina ma’itaga

SHARE NOW

O mea lelei i Upolu e le’o maua i Savaii, o se faamaoniga o lena faaupuga o loo molimauina pea ile Matagaluega o le soifua maloloina.

Pei foi ona talanoa ai le Susuga a Atoa Dr. Glen Fatupaito, sui faatonusili o le Matagaleuga o le Soifua maloloina i luga o le Radio Polynesia, e tasi lava le masini Ultrasound i Savaii o loo ile falema’i autu le Malietoa Tanumafili ll i Tuasivi.

E tulitasi uma iai tina ma’itaga ile masini lea e tasi i Tuasivi, mole faalogoina o latou manava e iloa ai le tulaga o iai le pepe i totonu o le manava le tina.

Ole vaiaso na te’a nei ua toe faaopopo ai le isi Ultrasound Machine, ole mealofa a foma’i mai Saina o loo galulue ai i le falemai.

Ole masina o Iuni 2023, na tauuu ai foi le mealofa mai Saina, e aofia ai  vailaau ma mea faigaluega e faaaoga mo togafitiga .

Peita’i o saunoa le alii foma’i, ile faaopoopoina pea o tina ma’itaga, ma e mana’omia lava nisi masini Ultrasound e le falema’i.