E ono fa’amālōlō le tumau Papalii Panoa Tavita Moala, ae faasolo suesuega

SHARE NOW

E tasi le vaiaso na tuuina atu i le taitaifono o le Faalapotopotoga o Faaputuga tupe a tagata Samoa(SNPF) le afioga ia Papalii Panoa Tavita Moala e tali mai ai i le tusi na tuuina atu, ma o lana tali mai e faamoemoe ai le tapenaina o le pepa e tuuina atu i le kapeneta mo le faatinoina o suesuega e sootaga i Taiala ma faiga faavae sa faaaoga e faamatuu ai le $67 miliona i pisinisi sa talosaga.

E le’i faatafa le Minisita o Tupe, le afioga ia Lautimuia Uelese Vaai, ile feiloaiga ma Tusitala ile aso, na ia talanoa ai ile oo atu ale pulega a le NPF, ma le faamaumauga o vaega o iai o latou popolega.

Peita’i o ala masani lava e sosolo lava galuega a le malo, i le ala o mea, pei ona iai.

Na ia saunoa sa fesiligia loia a le matagaluega, ma avane le fautuaga.

Ma faapena ona avatu ai le tusi ile susuga a le Taitaifono, Papalii Panoa Moala.

Peita’i e oo ane ile taimi o le feiloaiga a le Minisita, Lautimuia ma Tusitala, e le’i maua ane se tali mai le taitaifono, ia Papalii.

Ole tali e fua iai se pepa e ave ile kapeneta, pei ona saunoa Lautimuia,  o tulaga masani pe’a faamaonia tuuaiga, e famalaolo se tagata.

O tuuaia le Susuga Papalii i lona faamaonia oni nonogatupe, $67miliona i talosaga aitalafou mai pisinisi i Samoa, e aofia ai mase aulotu, ise auala faakegikegi.

Saunoa Lautimuia, e  le’i maua mai se tali a Papalii, lona uiga ose taimi o le vaiaso nei, ole ‘a faasee atu ai loa ile Kapaeneta.

Na ia faamanino foi, “o le fesiligia o investment loan, e le’o se mea faato’a tupu, sa tupu muamua foi.”

Pei ona faafaigaluega ai e le NPF saofaga a ana paaga, ma ua leva ona faia, ole faatinoga lena le lend i tua, e tupu ai tupe maua a tagata fai saofaga.

I lalo ole tulafono a le NPF, ole Pule faatonu poo le Board e faia faaiuga o mea faapea.

Peita’i o saunoa Lautimuia, ole faiga na sau ai, ia alu faapisinisi le faiga o loan, ma e le fou,  pei foi ona sau ai ile malo talu ai.

Ole tuu pea ile pulega ole NPF ma le taitaifono, ma e tatau ona toe tagai le malo ile tulaga o iai nei, pe ao ona toe sui le tulafono.

Ua faatali ai le Minisita ise tali ane a le Taitaifono, Susuga a Panoa i tuuaiga ma atugaluga ole pulega o le NPF, a’o lei see atu i luma ole kapeneta , e tusa ai ma le ala o mea.