E usu ai ile aso le fonotaga mulimuli a le Palamene o Samoa o le 2022. Peita’i e ono nofoa ole vaega faaupufai a le HRPP o le a le nofoia : ile uma ane ai o le tausaga ma le afa muamua ole nofoaiga lima tausaga o iai ole Palemene 17 a Samoa.
O le le nofoia ai o nofoa ia e ono o le HRPP, ina ua faamalolo ai mose taimi faatatauina lona taitai ma lana failautusi, Tuilaepa Sailele Malielegaoi ma Lealailepule ‘Rimoni Aiafi, faatasi ai ma isi faipule e toatolu ua savali ese ma le HRPP, afioga Tuuu Anasii, Mauu Siaosi Puepuemai ma Ale Vena Ale.
Ae ole tuua ai o le malo e lana faipule sinia, le Susuga Tapunuu Papalii Niko Lee Hang ole itumalo o Vaimauga tolu .
O le fonotaga lea a le Palemene ile aso, pei ona saunoa ai le Fofoga Fetalai ia Li’o Papalii Taeau Masepa’u e taga’i ai le Palemene i tusi faamavae a faipule na savali ese ma iloa ai lesi laasaga o na itumalo.
O lesi faipule o le toatolu lea , ua iai lava lona mana’o e fai le palota latiti a lona itumalo, pei ona molimauina mai totonu. peita’i ole aso e iloa ai le faasee atu o mataupu a lesi toalua i le faamasinoga male gata ai lava ile Palemene.
