O lo o numera silia lava tagata nuu o Samoa tutoatasi o nonofo faaletulafono pe nofo mau i totonu o Amerika Samoa.
E ono palota ai na tagatanuu Samoa ile filifiliga o faipule ole faigamalo a Amerika Samoa, pe afai ae pasia lena mataupu e lona maota faitulafono.
O lipotia mai e le tatou paaga i Amerika Samoa: “E toalua faipule mai Manu’a, e aofia ai le Afioga a Saite Moliga ma Ma’o Faauma S. Gogo o loo la lagolagoina le pili a le Senate, mo se finagalo e teuteu ai le tulafono faalelotoifale, e faataga ai ona palota tagata fai mai, o loo nofo mau i Amerika Samoa.
Ole pili lea na tuuina atu i luma ole feiloaiga a le Senate e teuteu ai le “Talosaga mo Lesitala” ole vaega o tulafono faalelotoifale o palota, e ala i le
faaopopo iai ole vaega fou, e agavaa ai tagata nofo mau faaletulafono i Amerika Samoa ona palota i le taimi o Palota a le teritori.
O le vaega faaopopo lea o loo faapea mai: ” e ao i lea tagata ona nofomau faaletulafono i Amerika Samoa, e aofia ai lona ID faapitoa mai le Ofisa o Femalagaiga, e tusa ai ma le (tulafono faalelotoifale) 41.0403, e tatau ona 30 tausaga sosoo o nofo mau i Amerika Samoa, ma atoa le 20 tausaga o totogi ana lafoga.
Ma ‘ia , “tuuina atu e lena tagata ni faamaoniga ile Ofisa Palota.”
I faamaumauga, o loo numera silia lava tagatanuu atu o Samoa tuatoatasi, i Amerika Samoa faatusa i isi atumotu, pei o Toga, Filipaina, Kolea, Fiti ma Initia.
