O le tatala ma le taofia ai pea o Samuelu Su’a ma lona faletua ia Sivai i lalo ole vaaiga a leoleo, o le faitalia lena a le Faamasino, fua i luga o le talosaga a Samuelu ma ona agavaa.
O le aso , 20 Fepuari lea na atofa mai e le Faamasinoga e valaau ai le mataupu a Samuelu, faatatau i moliaga a leoleo o loo taofia ai.
E ese mai i lana talosaga e tatala ai ia i tua , e valaau ai taeao, ile faamasinoga faaitumalo, pei foi ona tolopo mai ai e le afioga i le Faamasinoga, Talasa Atoa Saaga.
Na maitauina ile matapu lea, e le gata ina talanoa le loia a Samuelu ile lamatia ai o Samuelu ile falepuipui i Taumalala,
Ae o loo finau atu foi le loia o tula’i mo leoleo, e teena malosi le talosaga mo le tatala mai ai o Samuelu i tua, nei sola, talu o loo iai faamaumauga na solo i tua ma le falepuipui.
O faamaumauga o Samuelu, pei ona faalauiloa ai e leoleo , o iloa ai ua silia ile 10 tausaga e lei toe molia ini solitulafono.
Peita’i e le taumate le toe tumutumu foi ole faamasinog faaitumalo ile aso ma a taeao, i le mataupu lava lenei, o loo tuliloa e le toatele , se tali a Samuelu i le aso, i moliaga a leoleo, ae o lana talosaga e tatala ai i tua taeao.
O Samuelu lea na afua ai ona toe lalaga i luga suesuega ole maliu lilo ole alii aoga Iunivesite, talu mai le 2021.
Lea e sootaga uma lava ile mafuaaga ole molia ai ole faipule mai SAvaii, faamalolo ai leoleo e to’alua, aveese ai le Minisita o leoleo mai sona sootaga ile suesuega, tauuaia ai faipule ua maliu, faipule sinia a le FAST, ma le failautusi a le HRPP.
E ui ina faapea mai leoleo , ua uma le latou suesuega ile maliu o Tuuau ma avatu i le Loia sili, peita’i, o loo faaulu atu pea tagi i le ofisa o leoleo, e sootaga lava ile maliu lilo o Tuuau.
Pei foi ona valaau ai lesi ona laasaga ile aso ile faamasinoga faaitumalo.
