E pule le malo, ae taua le fa’aleo ose lagona o Fagalii

E le’o te’ena e le afioga o Fagalii le toe tatala ai o le malaevaalele a le malo i lona fanua i Fagalii uta.
O le malaevaalele lea, e faafaigofie ai feoaiga ile va o Samoa e lua, aemaise o le aufaipisinisi ma le agai i luma o le tamaoaiga o Samoa na lua.

Ole aso na tatou asia ai se vaega o aiga i tafatafa ane ole malaevaalele, ma tatou maua ai, i aiga na fesiligia , o loo latou lagolagoina le faamoemoe ole malo.

Peita’i o le tasi o aiga, na talanoa mai ile lagolagoina tele o le faamoemoe. Ae o le fautuaga lava lea na ave foi ile taimi o tatala le feoaiga talu ai a Vaalele, ma sa usitaia lava lana tuualalo i le tele o taimi ae sa iai foi taimi, sa le manuia ai lava latou.

Mai le manogi atu o le kesi o vaalele, aemaise lava i taeao.  Na fautuina e faatolotolo vaalele ile itu i sasa’e ole malae e faaola mai ai iina ile taeao e faaalu ai agai i laau iluga o le vanu le manogi. O le fautuaga foi, afai e fau se pa maualuga, e tau taofi atu ai le pa’o ma le manogi o le kesi. Ae ole tatala o le malae, e pule lava le malo pei ona ta’ua e aiga na tatou fesiligia.

Na tatou oo foi ile afioga i le PUlenuu, Salu Moleni, ma ia saunoa ile laasaga i le taimi nei mai lona nuu.

O loo faagsolo lava galuega faalelei o le pa ole malaevaalele i le taimi nei.