O le aso faapitoa lenei mo le au fai saofaga a le NPF, e teu sa’o ai lava i a latou teugatupe i faletupe, le tului 2 pasene o le aofaiga o lana saofaga o loo totoe poo lana paleni.
O le tupe totogi faapitoa lea pei ona faalauiloa mai e le pulega o le NPF , le lua pasene e faamuta i le aso 17 o Fepuari.
Na faalauiloa ai ele afioga i le Minisita o Tupe, i le Palemene i le masina o Tesema le faamaonia e le Komiti faatonu ole pasene muamua faapitoa e 2 pasene, mo le tausaga faaletupe o loo faasolo nei.
O lea mealofa mo le aufai saofaga e silia i le $19miliona tala.
O ta’ua ile faalauiloa a le NPF, o faapea mai ai: ‘o le naunautaiga o le Komiti faatonu ma le Pulega, ia maua e le au fai saofaga se mealofa ma le famama avega, ona o aafiaga ile siitia o le tau o le soifuaga, o loo feagai ma le atunuu i lenei vaitau.
Peita’i o mautauina e le’o aiga uma e iai tagata faigaluega, ma e le’o iai foi so latou faamanuiaga mai lena lua pasene.
O le faamanuiaga lua pasene lea pau le faiga e maua ai, o le teu sao lava i lau teuga tupe i le faletupe, ma e ao ai ona lesitala i luga o fesootaiga televave, ma ia mautinoa o loo lelei lava le numera o lau teugatupe i le faletupe e faaalu sao iai lau lua pasene, lea e amata ai ile aso.
Ae o loo iai foi avanoa mo faisaofaga o mana’omia fesoasoani a le ofisa pei o le numera ua galo ma nisi faamaninoga.
O le aso 17 o Fepuari e faagata ai lea auaunaga.
