Ua atoa ai nei le tausaga talu ona tatala mai e le malo o Amerika Samoa avanoa faigaluega i o tatou tagata i Samoa nei, i lalo o pemita faigaluega faapitoa guest workers mo le falei’a Star Kist i Satala.
Ole vaiaso nei lea ua agia mai ai i Amerika Samoa, i lana pepa o faamatalaga, e silia i le 700 tagata faigaluega na mafai ona ofi atu i le teritori i lalo o pemita faigaluega faapitoa ia.
Ma viia ai le faigamalo o iai nei i lea foi matati’a ua latou ausia, i totonu o le tausaga muamua o le latou pulega.
Peita’i ile faagasologa mai o nei galuega i le teritori, ua maua ai tagata faigaluega i le falei’a ole Starkist i Satala.
Ma e oo mai nei, ile silia i le 700 tagata faigaluega , e na’o le toalua na toe faafoi vave mai i Samoa ma le toalima o isi na faaleaoga e le kamupani a le Start Kist a latou pemita.
O se laasaga mo Amerika Samoa, e atagia ai le lelei mo lona tamaoaiga, ae ole tele ai foi o aiga i Samoa tutoatasi, ua manuia mai ai o latou tamaoaiga ile tupe Amerika.
Ma viia ai e le Loia Sili a le teritori Fainu’ulelei le faigamalo a Lemanu-Talauega o iai nei.
Maita’uina ua amata ai nei foi faiga keumpeni a Amerika Samoa mo lana palota laititi ia Novema e toe palota ai ana faipule ma lona sui Uosigitone.
