O le toe lauliliu ina ma le toe iloiloina o fuainumera poo faamaumauga o sailiga a le Ofisa o fuainumera i lona fonotaga lona lua, lea sa faatinoina i le aso.
O ia faamaumauga ua mafai ai ona faatino ai faiga faavae mo faaiuga fai a vaega taitasi, e pei o le malo, faalapotopotoga, vaega maoti ma soo se tagata.
Saunoa le afioga ia Leota Aliielua Salani i le tatou faatalanoaga, e taua tele fuainumera i soo se tagata.
Aua o se tasi lea o galuega faatino o loo maioio i totonu o le taiala a le Ofisa o fuainmera a Samoa, o le aoina o fuainumera mai soo se vaega o loo faaalu ai tupe, o meaai o le aofai o le aiga o meaafale.
E le faapea na o le faamaumau ae taua tele le faailoa, mo le silafia lautele o le atunuu.
Ua maea foi ona faatino se tasi o galuega a le Ofisa i tua i itumalo e 51 o le atunuu ma faamauina ai o Faleata 1 le itumalo o Upolu o loo matuai maualuga le fuainumera o tagata o loo nonofo ai.
Ae mo le motu o Savaii o le itumalo o Falealupo le itumalo o loo faamauina le pau maualalo o le fuainumera o tagata o loo nofoia, ma ua faaigoaina le na sailiga o le district profile.
Sa auai paaga, ma vaega tumaoti o loo fai paaga ma le Ofisa o fuainumera a Samoa i lea fonotaga lona 2 sa faia i le tatte i Savalalo.
