Toe tolu i le fa aso taunuu le vaa loa o loo aumai ai pusa oloa o Falaoaata.
Ole tali mai lena a le AFioga i le MInsita o Faatoaga, ma faigafaiva Leuatea Polataivao Fosi Schmidt ina ua tatou fesiligia ile mafuaaga ole oge o lea foi taumafa ile atunuu.
Peita’i i famaaumauga a le afioga i le MInsita, o loo maua falaoamata ile tasi o Faleoloa ile Vaimauga. Na ia ta’ua pau lena o le kamupani na sao mai le latou container flaoamata ile vaa talu ai nei. Ma o le mafuaaga lena o le sioki o lena foi taumafa.
Ae ole aso 25 o Setema lea e taunuu mai ai ile atunuu le vaa oloa o loo maua mai ai falaoamata. Ole vaiaso talu ai na amata ai ona su’e falaomata le au faatau, i faleoloa i tua, ma oo mai ai ile taimi nei.
Ananafi i le maketi i Fugalei, sa na’o le tasi lava le sefe panikeke sa matala, ae ole tele o sefe uma e faatau ai panikeke na tapunia, i aafiaga o le leai osea foi taumafa falaoamata i faleoloa.
