O lea ua amata aloaia le vaiaso ole Teuila a le atunuu, ae ua faailoa mai e le ofisa sili ole Pulega o Tagata Tafafao Maimoa mai Fafo i afioga ia Toleafoa Pativaine Petaia Tevita ole faamoemoe ole Teuila o lenei tausaga olea iai ni ona suiga, tusa pe itiiti pe tele ae faaauau lava le faamanatuina ole teuila.
Ua tele faamoemoe ole atunuu ua amata ona iai suiga ona oloo ave le faamuamua a malo ma le kapeneta ile fonotaga a ulu o malo o le taupulega, lea e ave uma iai le faamuamua a le atunuu, ma o se tasi foi o tapenapenaga afuaga ua leva ona faataoto mai e le malo lea ua afua ai nei suiga e tele mo le teuila lenei foi tausaga 2024.
E 5 ausiva a ekalesia ia ua filifilia mai e le pulega o tagata tafafao maimoa mai fafo e faafiafia ile vaiaso ole Teuila e aunoa ma se resitala, olea le faatauva faafiafiaga e pei ona masani ai i tausaga uma ae ua afua lava a latou meaalofa mai ile malo e tauala atu lea ile pulega o tagata tafafao maimoa mai fafo.
Ole vaiaso la lenei ma lona faamoemoe ole aso a taeao e ala lea i faiga faatau faleaiga, o faleoloa ua mae’a ona resitala mo le Teuila lea olea faia lea i luma ole malae olea aganuu i Matagialalua, o faafiafiaga e pei o mauluulu sasa, faataupati, siva ole taualuga ma faamae’aina ai ile siva ailao afi.
O nei faiga e amata atu lava ile asō seia paia le Aso Faraile.
Ole Aso Faraile ole faatinoina ole amata ai loa ma le savali faaaloalo mo le tauvaga o se tausala o Samoa mo lenei tausaga ma le tausaga fou, faia lea ile fale taalo ole multi-purpose gym 1 i Tuanaimato.
