Ua lipotia mai e le Matāgaluega o le Soifua Mālōlōina, e to’a 31 i latou ua fa’amaonia le pesia i le siama o le KOVITI-19, e tusa ai ma fa’amaumauga mai i le 2:00 i le aoauli o le Aso 29 Iuni i le 2:00 i le aoauli o le Aso 01 Iulai 2022.
Mai lenei fuainumera, e to’a 17 i latou fou ua a’afia i totonu o Samoa, ae 14 na faimalaga mai i totonu o Samoa (border). Ua si’itia ai le aofa’iga o i latou (community & border cases) ua a’afia i le siama o le Koviti–19 i le 14,995.
I faamaumauga ale matagaluega e to’a 29 i latou ua maliliu i aafiaga ole Koviti-19.
Samoa e, o le faamanatu, faamolemole ia tausisia pea fautuaga mai le Soifua Maloloina e tuuina atu pea, ina ia fa’aitiitia ai le so’ona pepesi o le siama. O lea amata lafoia ataata o taulelei mo si o tatou atunuu.
E fautuaina pea mamalu o le atunu’u ina ia aga’i i se falema’i lata ane mo le faia o tui puipui o le Koviti – 19, pe afai e lei faia pe e lei maea tui, auā o le puipuiga sili lea mo i tatou.
