Ua taulia tausaga e tolu na nofo mamao mai ai le tamaitai o Irae Maranatha Tufuga i Niusila ae tuua ona matua ae o lona aiga, uo aemaise o lana autalavou ma le ekalesia i Samoa.
Ina ua faauu maiai nei ma le manuia, ma lona faailoga faapitoa o le Bachelor of Science degree in Environmental Science, mai le Auckland University ile Aso Tofi na te’a nei, 4th 2023.
Na talanoa le tamaitai ia Irae ina ua tatou fesiligia, “Sa le fiagofie le alu ese atu ma lona aiga aemaise ai lava ile taimi na tapunia ai tuaoi ona o le koviti 19, ma le oo mai ai lava i Samoa ile tolu tausaga.”
O le tamaitai o Irae e lona tolu iai alo ole Susuga i le alii loia ia Tufuga Fagaloa Tufuga ma le faletua,
O lona tolu lea e uii ai foi . O isi ona tei matutua atu, o loo faamaea foi a la faailoga tikeri i le Iunivesite i Aukilani.
Ma sa latou nonofo faatasi uma ai lava, e lagolago i lesi, ma ole fesoasoani a ona aiga i Aukilani, sa fai ma sao tele ile taimi o aoaoga ma taumafaiga,
Ole tamaitai o Irae sa Dux toe deputy headgirl a Robert Louis Stevenson School in 2018.
O iina na maua ai lana sikokalsipi ile Manaaki New Zealand Scholarship 2020 – 2022, e aoga mo le Bachelor of Science in Environmental Science.
Taimi nei o lo o ave lona faailoga o le Masters of Science Degree ile Auckland University ma le faamoemoe e maea ile tausaga fou ma taliu mai e tautua lona atunuu.
Na saunoa foi le tama ia Fagaloa ina ua tatou fesiligia ile faamanuiaga ole fanau: “O le viiga ile Atua ua tau lau ole faamoemoe e pei ona alo atu iai fanau, ae le galo ai le tapuaiga tatalo a matua, aiga, nuu, ekalesia aemaise Samoa.
“Amuia Irae sa maua e ia avanoa e aoga ai i aoga iloga e pei ole International School Suva, Fiji ma Robert Louis Stevenson School i Tafaigata.
O lona agaga ma le faamoemoe e faasoa sona iloa i mea sa aoga ai mo Samoa ma le Pasefika aemaise le aafiaga o le siosiomaga i suiga tetele ole tau poo le climate change.”
