Ua le faatasi ona matagia le sa ole faipule o le itumalo o Salega, afioga a Fepule’ai Faimata pei ona molimau le taitaifono ole FAST, Laaulialemalietoa Leuatea Schmidt.
Ma ave ai lana lagolago i lona tulaga faataitaifono ole FAST, talu, ua afatia le sa o le itumalo, a afatia se tasi o le auvaa, ole afaina foi lena o le faiga malo e le mafai ona aafia Fepule’ai, ona tiai ai lea.
E talitonu, le faipule sinia mai Savaii, i lana lagolago atu i lesi nofoa mai le motu tele, e iai le taimi, e leai se po e le a’o.
Saunoa le Taitaifono, i lana saunoaga, o tuuaiga ole faipule ia Fepule’ai ole amataga lea, talu ua tuuaia le faipule.
Ma ia faamalosiau ma faamalulu ai ile itumalo ile laasaga ua oo iai lo latou tofi, ona sa maitauina le aafia foi ole nofoa lava lea ile tausaga talu ai.
E manatu Laauli, ua avea le naunau atu e saili se fesoasoani ae ua faapea ane leoleo e leaga, peita’i ia talia loa lea ua oo le mataupu ile faamaisnoga, e saili ai le amiotonu.
Ole vaiaso nei e valaau ai le afioga ile faipule, e tali i moliaga ole taupulepule a leoleo e sootaga uma lava ile maliu lilo o le atalii ia Tuuau Maletino, ole IUnivesite aoao a Samoa, talu mai le 21 o Aperila 2021.
Peita’i ile mataupu lava lea ile maliu lilo o Tuuau, o le vaiaso nei foi e toe fofogaina ai le talosaga a Samuelu mo le tatalaina o ia i tua.
E ese mai le valaau ai ile vaiaso foi lenei o le moliaga a leoleo faasaga ia Samuelu, ole fai o tala faalumaluma ua afua ai ona taofia ma lona to’alua i Tanumalalala.
O le aso 20 e tula’i ai e tali i moliaga a leoleo o ta’ua i luga.
