E tupu galuega ona o le tupu pea o sauaga i Samoa

SHARE NOW

Ua fili mai ai nei e le nuu o Fagalii, se vaega o matua ma tagata matutua mo le Polokalame o le faamuta o sauaga faasaga i tamaiti.

I le faamatalaga faalauaitele mai le Toomaga mo e Puapuagatia, SVSG, O le feiloaiga faaleaoaoga na faia, o se vaega lea o galuega o loo faagasolo a le SVSG mo le puipuia ole tamaititi, i lalo o le faatupega a
le UNICEF Pacific , e faaautu lava i le suia o le faatinoga o auala o fesootaiga.

O le polokalame lea, ina ia faaauau ai lava ona tumau ai pea le auala lea e faatino ai galuega ile va o tagata matutua ma matua.

Aemaise ole fitu o faalapotopotoga lea o loo galulue ai nei, mo le atinaeina lea o le silafia o Matua ma fanau ua faasolosolo atu lava le olaga e avea ai ma matua i le lumana’i.

Ae i Fagalii lava ia ma le laasaga lona ono lea ua oo atu iai o le polokalame lea lua tausaga, ole faasauni i le olaga faale matua.

Na talanoa ai le Susuga ile faafegaiga Reverend Petaia Leavai ole EFKS o Fagalii, e mana’omia se taimi e sui ai le mafuafau ole tagata, ae a mana’o lava iai e mafai ona tupu i le gaoioiga fai.

O le aoaoga lea e maua mai le Polokalame lea, e le gata ina e lelei mo matua ae ole puipuia ai foi o fanau ma matua foi latou.

O le laasaga lona ono lea o le polokalame mo fanau o loo fua i le puipuia mai faafitauli e afua mai luga o fesootaiga televave, i aafiaga talu le tuufau lava o fanau i fesootaiga televave.

Ae o le alofa i fanau ma fai se taimi ma latou, ia latou iloa mai le agaga o le matua.

Ole fautuaga mai le Toomaga, afai o aafia oe i faafitauli o fesootaiga televave le laina vili fua ile Toomaga, 800 7874