O le taua o le tutusa o alii ma tamaitai, gender equality, lea na agai iai le talanoa a le Amupasa a Ausetalia, mo mataupu tau Gender Equality, Ms Stephanie Copus Campbell, ina ua asiasi atu i le Samoa Victim Support, SVSG i Tuanaimato, poo le Toomaga mo e Puapuagatia.
Na molimauina ai ele asiasiga le fale ole Sakura, e fetaui le oo atu o Ms Campbell, o iai le tina ma lana pepe faatoa te’a atu i le falema’i. Ole fale lea na fausia faapitoa lava mo tina e sulufai ma latou fanau, ile lotoa ole Campus of Hope,
Ae ose avanoa foi e faasoa atu ai le SVSG, i lana auaunaga ile tutusa o tagata, ae o ole puleaina o le latou foi auaunaga, ole laina lavea’i, ma le mana’omia ai o le vaaiga i le 24 itula.
Ua aoaoina ai sui o le toomaga mai nuu, i lalo o le Samoa Gender Partneship.
O lesi mataupu na afea ile asiasiga a le sui o Ausetalia, o le mafuaaga o sauaga ma aafia ai faffine, ole leai ose tupe e tagolima iai, ole mativa ma le lima vaivai , o fesoaosani faaletamaoaiga, e maua ai e fafine avanoa i le faiga o faaiuga , pei ona fanau mai ai le polokalame o le Nofotane, mo le siitia o soifuaga o aso uma i aiga.
Ma saunoa ai le Peresetene ole SVSG, Siliniu Lina Chang, e amanaia le sao o le faapaaga ma le Va i fafo ma fefaatauaiga, a le malo o Ausetalia, i lana Tautua, ua ose fesoasoani tele foi lea ile siitia o galuega faatino a le SVSG.
