E vaiaso atoa lava polokalame o le 70 tausaga a le Kolisi o Samoa

SHARE NOW

E lei mafai e foliga louloua o le tau o lenei Aso Gafua, na taofi le Asosi o tama ma teine tuai o le Kolisi o Samoa ae o paaga ma i latou o loo lagolago sua, i le savali tele na tatala aloaia ai a latou polokalame faagasolo, o le faamanatuina o le 70 talu ona faavae mai le Kolisi o Samoa.

O lea savali faapitoa na amata mai luma o le ofisa o fuimu ma faasolo mai ai i luma o le fale o le malo, na taitaia e le au faili mamalu a leoleo, ma sisi faapitoa ae ai le tagavai o le saolotoga o Samoa.

Sosoo lea ma le sauniga lotu e faapaia ina ai le keke, a maea ona agai lea i le lotoa o le Kolisi mo le ava o le feiloaiga.

Peitai i le polokalame ua faataatia mo lenei vaiaso atoa, o le aso Lua, a taeao lea o lea faatino ai soo se ituaiga taaloga eseese moi latou o lea faatasi atu, e aofai ai ma le taamilosaga o le taaloga ta polo e faatino lea i Tuanaimato.

Aso Lulu ua faamoemoe o lea faatino ai loa le reunion poo se mafutaga faaleaiga mo tama ma teine tuai o le Kolisi mai atunuu i fafo ma Samoa nei.

Aso Tofi e faaauau ai le taamilosaga ta polo, ma le aso Faraile ua faamoemoe mo le po siva tele a le Kolisi.

Peitai o le faamoemoe o le komiti o loo faafoeina le polokalame ia maua se selenei e mafai ai ona fesoasoani i manaoga o le laumua e ala i le toe fia faaleleia o le latou hall tuai.