Ua galulue faatasi ai le ofisa o fainumera faamaumau Samoa Bureau of Statistics a Samoa ma le Toomaga mo e Puapuagatia, ise poloketi e faitau ai aiga o nuu taitasi ma o latou soifuaga i Samoa , Samoa Village Health Survey.
O tapenaga o lena galuega fai faatasi, ua tamua ise aoaoga o loo faia e se tamaitai palagi faapitoa mai le Iunivesite i Peretania, Dr Jenevieve Mannell.
Ina ia iloa ele vaega o le aufaigaluega mai le Samoa Bureau of Statistic le auga o le suesuega poo le Survey, ia iloa lelei e le tagata laa alu e faatino le suesuega lea, lona tiute, ma faailoa ile au suesue le saogalemu ma le agaga tonu lava o le galuega pe a oo ina o e faataunuu.
E na’o le 10 nuu i Upolu nei, ma le lua nuu mai Savaii, ua fili e faataunuu ai le galuega suesuega lenei.
O nuu ia o le’a faatino se sailiga faasamoa lava ia, ini auala e puipuia ai sauaga faasaga i tamaitai.
O nuu ia o le’a faatino se sailiga faasamoa lava ia, ini auala e puipuia ai sauaga faasaga i tamaitai.
Ua uma foi ona faia se maliega faapitoa ile va o faalapotopotoga nei e lua, ale SVSG Samoa Victim Support Group poo le Toomaga mo e Puapuagatia ma le SBS Samoa Bureau of Statistics, ia mautinoa e faatino le sueusega lenei i lalo o le tulafono o le 2015 ole Samoa Statistic Act.
O lesi aoga ole suesuega lenei, ina ia iloa ai le aoga o galuega o loo faatnio e le faalapotpotoga lea o le EVE, o auai i totonu sui tamaitai mai nuu e 10 ua fili mai.
E tusa ole 1,300 tamaitai ma alii e 700 mai nuu nei e 10 ua valaaulia e faatino le suesuega lenei.
Ma o le aoaoina o tagata e faia faamaumauga fuainumera i le vaiaso nei, e taua tele, ma e taua ai lava le faataua o le saogalemu oi latou uma lava ma ia uma foi lenei galuega i le taimi e tatau ona oo atu i le vaiaso lona lua o le masina o Tesema ua amata ona faagaioi.
O le a tofu lava le tagata ma le tablet, poo le tama’i masini e faamau uma iai galuega o le aso. O le aoaoga lea ua faia mo le au faamaumau pei ona saunoa le Peresetene o le SVSG Siliniu Lina Chang o lesi lea vaega o le 16 aso o galuega tetee atu i sauaga i tamaitai ale Toomaga mo e Puapuagatia. Aua o faamaumauga uma lava mai le galuega o faia nei, e mo le faaitiia o sauaga o tamaitai i Samoa.
O le poloketi lea o le EVE, ole susuega o loo taulamua ai tamaitai mai ile UCL University College London, ma faatino e le SVSG, NUS ma le Samoa Bureau of Statistics.
O se vaega o le susuega i totonu o nuu ma le soifuaga o iai, o loo aofia ai i totonu le tusa o le 1,650 tagata Samoa mai nuu, pei o le 1,300 tamaitai ma le 700 alii.
Lua masina e faatino ai e tatau ona oo atu i le masina o Ianuari 2023 ua mae’a.
