E tusa o le 100 malo faapitoa na talimalo ai le afioga i le Minisita o le Pulega o Tulisi, Toesulusulu Cedric Schuster e patipatia ai le amataga o le tauvaga e saili ai se lalelei o le Pasefika 2023-2022.
O le faafe a le Minisita na faia i le malae i luma maota o le malo i le eleelefou i le afiafi ananafi. Ina ua taliu mai le asiasiga a tamaitai tauva mai Salafai.
Na talanoa ai le Peresetene o le MASI a Amerika Samoa, e faafetai i le avanoa ua maua ai lagona fou ma molimauina mataaga i Savaii, ma lona matagofie.
O le faaafe i le afiafi a le Minisita o Tulisi, na ia saunoa faamalosi ai i le to’alima o tamaitai tauva, ma ave iai lana faamanuia. O le lagona foi lena e tasi na saunoa iai le tamaitai o pale mai le TAusala o le Pasefika i le taimi nei Seumanu Fonoifafo Mcfallen Seumanu ma ia faamanuia foi i le faamoemoe. O le Tausala mai Nauru, Solomona, Papua Niukini, Amerika Samoa ma Samoa.
O le aso lea e asiasi atu ai ile Maota o tina ma tama matutua ile Mapuifagalele i Vailele, o tapenaga uma lava mo le tauvaga autu i le Aso Faraile e faia i le faletaalo i Tuana’imato.
