Ua taunuu isi foi seleni mo faalapotopotoga i totonu o Samoa o loo latou faaaoga le kasa poo le kesi mai otaota.
Ile pepa o faamatalaga mai le UNDP, United Nation Development Programme, o faailoa mai ai e valu poloketi faapea, Biogas Projects fitu i Upolu nei ae tasi i savaii, o le’a manuia mai lesi taamilosaga lata maio le fesoasoani tupe mai le UNDP, male GEF-SGP poo le Global Environment Facility Small Grants Programme.
Ole taimi muamua lea ua lagolagoina ai pe faatupe mai ai e le UNDP GEF-SGP poloketi nei tau i le kesi e maua mai otaota i Samoa.
O le kesi sili lea, aua e leai ni aafiaga o le siosiomaga e maua ai. O lesi lea vaega o le unaia mo le faaititia ole faamoemoe i kesi sa masani mai ai.
Ua oo atu i le 35 poleketi o lea ituaiga, e tusa lona faatupega male $1.65million Tala.
O loo talanoa mai ai le Susuga Edwin Tamasese ole faatonu o lesi poloketi, Ile manuia ai foi o le latou Tanumapua Baptist church, ua mafai ona latou faaaogaina lea foi ituaiga o kesi. Ua mafai nei ona gaosia a latou lava kesi e kuka ai meaai, e le toe mama’i ai i le asugia, o faalelei eleele mo faatoaga, ma ose suiga agai i luma o le latou aulotu.
Ma faafetai ai ile GEF-SGP ile lagolagoina o le latou foi poloketi.
O isi vaega o loo faaalu iai le $1.65miliona tala lea, o faatoaga faanatura, ole pulea lelei o otaota, faasao i le sami poo vai, ole toe totoina o togatogo, ole faamalosiau i itupa o alii ma tamaitai, galulue faatasi, ma isi poloketi laiti.
O talanoa ai foi le susuga Leuluitumua Richard, ole Autalavou a Saleaumua: o le tupe lea o le a mafai ai e faalapotopotoga mai tua ona fai sao i le faaittia o aafiaga ole siosiomaga, mai kasa oona, e aofia ai ma le fautuaina o talavou e fai togalaau aina ma ia pulea lelei a latou otaota poo lapisi.
Ua mae’a ai foi ona faia sainigalima ile vaiaso nei, i Upolu ma Savaii, ole maliega ile va o le SGP ma faalapotopotoga ua manuia i fesoasoani tupe.
O le agaga faafetai foi lena mai le susuga a Aolele Robert Pereira , o le Poloketi a le Komiti a tina o Lalomanu pei ona ta’ua e le UNDP.
Talu ona amata mai polokalame nei a le UNDP i Samoa i le 2003, Ua tusa ma le $5.2 miliona tupe Amerika, silia i le $10miliona tala Samoa ua fesoasoani mai ai ituaiga poloketi mo le puipuiga ole siosiomaga..
